Анхдугаар үндсэн хууль баталсны 100 жилийн ойг тэмдэглэн өнгөрүүлэх ажлын хүрээнд монгол үндэсний хувцасны өв соёлыг түгээн дэлгэрүүлэх, уламжлалаа дээдлэн хүндлэх зорилгоор "Үндэсний хувцас бидний өв" уриан дор 2024 оны 11 дүгээр сарын 25-ны өдөр албан байгууллагууд, Ерөнхий боловсролын сургуулийн сурагчид, Цэцэрлэгийн хүүхдүүд үндэсний хувцсаа өмслөө.

“Улс тунхагласны баяр Ерөнхий боловсролын сургуулийн захиралд Үндсэн хуулийг хүндэтгэлтэйгээр гардуулан өглөө. Ерөнхий боловсролын сургуулийн бүх ангийн эхний цаг дээр “Анхдугаар үндсэн хууль” хичээлийг анги удирдсан багш нар бэлтгэн хүргэсэн. Монгол Улсын "Иргэний андгай өргөх ёслол"-ын арга хэмжээнд 15 сурагч иргэний андгай өргөлөө. Андгай өргөсөн сурагчдад төрт ёс, түүх соёлоо эрхэмлэн дээдэлсэн, үүрэг хариуцлагаа ухамсарласан, эх оронч иргэн байхыг захиж, баяр хүргэн сумын ИТХ-ын дарга Б.Бат-Од, сургуулийн захирал С.Хүрэлбаатар нар батламж гардууллаа.

Ерөнхий боловсролын сургуулийн сурагчдын дунд “Анхдугаар үндсэн хууль” сэдэвт REEL бичлэгийн уралдаан, албан байгууллагуудын дунд “Анхдугаар үндсэн хууль” сэдэвт контент бэлтгэх уралдааныг зарлаж ирүүлсэн REEL, контентыг Иххэт сумын Иргэдийн Төлөөлөгчдийн Хурал фэйсбүүк хаягт нийтэлж, сумын цахим хуудсуудад оруулсан. Контент бэлтгэх уралдаанд С.Энхмаа эрхлэгчтэй Цэцэрлэгийн хамт олон тэргүүн байр, REEL бичлэгийн уралдаанд А.Түвшинжаргал багштай 5а анги тэргүүн байр тус тус эзэлсэн. Мөн ажлын албанаас Анхдугаар үндсэн хуулийн тухай цахим мэдээлэл бэлтгэн Иххэт сумын Иргэдийн Төлөөлөгчдийн Хурал фэйсбүүк хаягт нийтэлж, мэдээллийг сумын цахим хуудсуудад оруулсан.

“ГОЁЛОО ӨМССӨН ЭЭЖ” хөтөлбөрийг 2024 оны 11 дүгээр сарын 26-ны өдөр зохион байгуулж, Бүгд найрамдах улсаа тунхаглаж, Анхдугаар үндсэн хуулиа баталсны 100 жилийн ойн мэдээллийг хүргэн Төрийн дээд шагнал “Алтан гадас” одонгоор өндөр настан Б.Отгонг шагнаж урамшууллаа. Хөтөлбөрийн хүрээнд үндэсний хувцасаа бүрэн өмсөж ирсэн 4 ахмад настныг шалгаруулан шагнаж урамшуулав.

Анхдугаар үндсэн хууль баталсны 100 жилийн ойг тэмдэглэн өнгөрүүлэх ажлын хүрээнд Үндсэн хуулийн талаар ойлголтыг нэмэгдүүлэх, сургуулийн орчинд зөрчигдөж буй хүүхдийн эрх хамгааллын талаар багийн болон өртөөчилсөн сургалтаар дамжуулан шийдлийг олох замаар бодит оролцоог хангаж өөрийн үзэл бодлоо эрхэмлэх, нэр төрөө хамгаалах, бусдын эрхэд хүндэтгэлтэй хандах, нийт сурагчдын өмнөөс дуу хоолой болон үйлдэл хийхэд чиглүүлж хариуцлагатай иргэнийг бэлтгэх зорилгоор “Хүүхдийн чуулган”-ыг зохион байгууллаа. Чуулганы үеэр “Анхдугаар үндсэн хуулийн түүхэн ач холбогдол” сэдвээр сургалт мэдээлэл өглөө. Уг үйл ажиллагаанд 4-12 дугаар ангийн сурагчид, хүүхдийн өмнө үүрэг хүлээгчдийн төлөөлөл нийт 108 хүн хамрагдлаа.

8-12-р ангийн сурагчдын дунд "Үндсэн хуулиа хэн сайн мэдэх вэ" АХА тэмцээнд 30 гаруй сурагчид оролцсоноос тэргүүн байранд 11а ангийн сурагч Д.Батбаяр, дэд байранд 9а ангийн сурагч Б.Хонгорзул, гутгаар байранд 10а ангийн сурагч Г.Төгөлдөр нар шалгарлаа.