ЕБС-ийн 4-12 дугаар ангийн сурагчид болон хүүхдийн өмнө үүрэг хүлээгчдийн дунд үндсэн хуулийн 100 жилийн хүрээнд сургуулийн орчинд зөрчигдөж буй хүүхдийн эрх хамгааллын талаар багийн болон өртөөчилсөн сургалтаар дамжуулан шийдлийг олох зорилгоор “ЧИ Л БИШ БОЛ ХЭН Ч ӨӨРЧЛӨХГҮЙ” хүүхдийн чуулганыг 2024.11.27-нд Иххэт сумын ИТХ, ЕБСургууль хамтран амжилттай зохион байгууллаа. Тус чуулганы үйл ажиллагаанд ИТХ-ын дарга, ЭМТ-ийн дарга, сургуулийн захирал, сургалтын менежер анги удирдсан багш нар 4-12 дугаар ангийн 120 гаруй хүн хамрагдаж өөрсдийн үзэл бодол, дуу хоолойгоо хүргэсэн.

Энэхүү чуулганы нээлтэнд сургуулийн захирал, ИТХ-ын дарга нар баяр хүргэж үг хэлснээс гадна түүх нийгмийн ухааны багш Х.Дэлэгдорж Шинэ үндсэн хуулийн 100 жилийн хүрээнд мэдээлэл хийсэн. “Явсан хүнээс үг сонс” гэдэг Японы Шизоуки мужид сурагч солилцоогоор айлчлаад ирсэн 12а ангийн сурагч Т.Үжинсорын аяллын тэмдэглэлтэй танилцлаа.

Мөн Хүүхдийн оролцооны байгууллагад үр бүтээлтэй, идэвх санаачилгатай ажиллаж байгаа шилдэг тэргүүний сурагчдын сумын ИТХ-ын нэрэмжит шагналаар шагнаж, урамшуулав.

"ЧИ Л БИШ БОЛ ХЭН Ч ӨӨРЧЛӨХГҮЙ” чуулганы үйл ажиллагааг 4 өртөөгөөр зохион байгуулж оролцогчдод мэдээлэл хүргэх, санал бодлыг сонсох, оролцоог хангахад анхаар ажилласан. Чуулганы хаалтын үеэр Аймгийн Хүүхдийн төлөө зөвлөлийн гишүүн Б.Мягмарсүрэн “Хүүхдийн төлөө зөвлөлийн үйл ажиллагаа, ХОБ-ын танилцулгыг хийсэн бөгөөд 11а ангийн сурагч Д.Батбаяр “Асуудал шийдэл” хэлэлцүүлгээс гарсан дүгнэлтийг танилцуулав. Мөн хүүхдийн чуулганд оролцогч нарын дунд “Хүүхдийн элч” сонгох үйл ажиллагааг амжилттай зохион байгуулж олонхын саналаар сэтгэл зүйч Э.Сарангоо “Хүүхдийн элч”-ээр сонгогдлоо. Хүүхдийн үзэл бодол, дуу хоолойг хүргэх зорилгоор “ОPEN MIC” чөлөөт микропоныг ажиллуулсан.

Хүүхдийн төлөө цохилох зүрхтэй байж дэмжлэг үзүүлж хамтран ажилласан бүх хүмүүст талархлаа.

Хүүхэд бүхэн жаргалтай байг.