ҮНДСЭН ХУУЛИЙН ӨДРИЙГ ТЭМДЭГЛЭН ӨНГӨРҮҮЛЛЭЭ. НИЙТЭЭР ТЭМДЭГЛЭХ БАЯРЫН БОЛОН ТЭМДЭГЛЭЛТ ӨДРҮҮДИЙН ТУХАЙ ХУУЛЬД “МОНГОЛ УЛСЫН ҮНДСЭН ХУУЛИЙН ӨДӨР”-ИЙГ 1 ДҮГЭЭР САРЫН 13-НЫ ӨДӨР МОНГОЛ УЛСЫН ХЭМЖЭЭНД НИЙТЭЭР ТЭМДЭГЛЭНЭ ГЭЖ ЗААСАН БАЙДАГ.

Монгол улсад ардчилсан шинэ Үндсэн хууль батлагдсаны 33 жилийн ойн хүрээнд иргэд, олон нийтэд Үндсэн хуулийн ач холбогдлыг таниулах, хуулийн мэдлэгийг нэмэгдүүлэх, Монгол хэлний тухай хуулийн дагуу Төрийн албан хэргийг 2025 оноос хос бичгээр хөтлөн явуулах болсонтой холбогдуулан үндэсний бичгийн чадварыг сорих, нэмэгдүүлэх, хөгжүүлэх зорилгоор Иххэт сумын ард иргэд, төрийн албан хаагдын дунд танин мэдэхүй, Үндсэн хуулиас бэлтгэсэн асуултаар “АХА” тэмцээн, үндэсний бичгийн мэдлэг сорих “Алтан хонх” тэмцээн, “Үндэсний бичгээр түргэн унших” уралдааныг удирдамжийн дагуу зохион байгууллаа.

АХА тэмцээний Тэргүүн байранд ЕБСургуулийн сэтгэл зүйч Э.Сарангоо, дэд байранд ЗДТГазрын дарга А.Даваадорж, "Алтан хонх" үндэсний бичвэрийн уралдаанд Тэргүүн байранд Цэцэрлэгийн багш Г.Гантуяа, дэд байранд сумын Засаг дарга Б.Содмагнай, гутгаар байранд ЗДТГ-ын иргэд олон нийттэй харилцах ажилтан Х.Мэндбаяр “Үндэсний бичгээр түргэн унших” уншлагын уралдааны Тэргүүн байранд Ерөнхий боловсролын сургуулийн бичиг хэргийн ажилтан Д.Энхтүвшин, дэд байранд Цэцэрлэгийн туслах багш Ч.Өлзийжаргал, гутгаар байранд Соёл, спортын төвийн музейн арга зүйч Э.Тунгалаг нар тус тус шалгарч шагнагдлаа.

УГ ӨДРИЙГ ТЭМДЭГЛЭН ӨНГӨРҮҮЛЭХ АЖЛЫН ХҮРЭЭНД АРДЫН ИХ ХУРЛЫН ДЕПУТАТ Ж.ЛХАГВАЖАВ АГСНЫ ҮР ХҮҮХДҮҮД ЖИЛ БҮР ИВЭЭН ТЭТГЭЖ, ХАМТРАН АЖИЛЛАДАГТ ТАЛАРХАЛ ДЭВШҮҮЛЖ ҮР ХҮҮХДҮҮДЭД НЬ ЭРҮҮЛ ЭНХ, САЙН САЙХАН БҮХНИЙГ ХҮСЭН ЕРӨӨЕ.

ИХХЭТ СУМЫН ИРГЭДИЙН ТӨЛӨӨЛӨГЧДИЙН АЖЛЫН АЛБА